Асноўнай мэтай Сусветнага Кангрэсу Беларусаў ёсць кансалідацыя сацыяльнага, палітычнага, эканамічнага і навуковага патэнцыялаў нацыі для вырашэння цяперашняга палітычнага і эканамічнага крызісу і распрацоўкі плана будавання НОВАЙ СВАБОДНАЙ БЕЛАРУСІ!
Сусветны Кангрэс Беларусаў – падзея сусветнага маштабу. Упершыню ў гісторыі Беларусі дыяспары ўсяго свету аб’ядналі свае сілы для арганізыцыі дыялогу аб будучыні бацькаўшчыны. Кангрэс служыць платформай абмеркавання актуальных праблем, распрацоўкі стратэгій выйсця з крызісу, аднаўлення зносін паміж беларусамі ўсяго свету і ўстанаўлення новых сувязей.
На цяперашні момант прадстаўнікі ўсіх ўсіх галінаў эканомікі і сектараў грамадства ў Рэспубліцы Беларусь знаходзяцца пад ціскам. Ім пагражаюць палітычнымі і эканамічнымі рэпрэсіямі. Цяперашні палітычны крызіс - гэта вынік сістэмнага неэфектыўнага кіравання ў эканоміцы, заканадаўстве, свабодзе слова, сістэмае адукацыі, ахове здароўя, дый культуры.
Мы разлічваем закрануць самыя актуальныя праблемы новай Беларусі ў галіне правоў і свабод Грамадзяніна, эканамічнага развіцця і прыцягу інвестыцый, міжнароднага партнёрства і рэфармавання дзяржаўнага сектара эканомікі, фінансавай палітыкі і сацыяльнага страхавання, тэхналагічнага развіцця грамадства і праблем аднаўлення якаснага складу арміі, міліцыі, сістэмы адукацыі і аховы здароўя.
Правядзенне кангрэсу ў анлайн фармаце дазволіць сфармаваць тэматычныя секцыі, уключыць у праграму шмат прадстаўнікоў самых розных рухаў і ініцыятыў, палітычных і эканамічных аглядальнікаў, экспертаў у розных галінах, якія жывуць і працуюць па ўсім свеце.
1,5 мільёна беларусаў замежжа з нецярплівасцю чакаюць магчымасці падзяліцца вопытам, ведамі і навыкамі з найлепшымі спецыялістамі і дзеячамі ўнутры краіны. Сусветны Кангрэс Беларусаў – гэта выдатная магчымасць глабальнага дыялогу ў жывым часе.
Беларусы замежжа выступаюць за плюралізм поглядаў у абмеркаванні самых вострых пытанняў, за абмен вопытам паміж краінамі і супольнасцямі, за выкарыстанне практыкі дэмакратычных краінаў у будаванні новай, свабоднай, незалежнай Беларусі. Мы ставім перад сабой глабальную задачу – прапанаваць супольнасці рэальныя інструменты вырашення па пераадольванню цяперашняга крызісу, а таксама по аднаўленню эканомікі, будаванню прававой дзяржавы, і усталяванню геапалітычных сувязяў.
РАЗАМ мы пабудуем Новую Квітнеючую Беларусь – краіну нашых мараў.
Жыве Беларусь!
У якасці прамоўцаў Сусветнага Кангрэса Беларусаў далі згоду на ўдзел Святлана Ціханоўская і прадстаўнікі яе штабу, Рада БНР на чале з Івонкай Сурвіллай. Таксама ў Кангрэсе возьмуць удзел член Прэзідыума КС Павел Латушка, сакратар грамадскай ініцыятывы “Беларусы Замежжа” Арцем Ледоўскі, кіраўнік МГЦІ “Наш Дом” Вольга Карач. Спіс падцвержанных прамоўцаў увесь час дапаўняецца і будзе апублікаваны ў хуткім часе.
